sitename
5 ლექსი დედაზე
06.05.2011 141 766 3 Bacho

5 ლექსი დედაზე

ლექსები დედაზე
რჩეულებში
5 ლექსი დედაზე


ქალი ბევრია ამ ქვეყანაზე,
მაგრამ დედა კი - მხოლოდ ერთია.
დედა ერთია ვით მზის ამოსვლა.
ვით უკდავება, დედა ერთია,
და ქვეყანაზე ომის დაწყება
ეგ იგივეა - დედას ესვრიან.
ახალს ლანდივით შორდება ძველი,
ცხოვრების გზაზე ვის არ შეცვლიან,
არ გაჩენილა დედის შემცვლელი, -
სილამაზე და დედა ერთია.
დედა ერთია ვით სინანული,
ვით სისპეტაკე, დედა ერთია,
სიკვდილისათვის თვალის ამოთხრა
მხოლოდ დედას თუ გაუბედნია.
დედამ დათესა ეგ სილამაზე,
დასაბამიდან რასაც ეტრფიან,
ქალი ბევრია ამ ქვეყანაზე,
მაგრამ დედა კი მართლა ღმერთია

****

ვზივარ და ვფიქრობ
რა გიჭირს,რა გილხინს,
თუმცა ვერ გშველი დედი,
გადათენთილან თოვლით იები,
მეც მალე მოვალ დედი.
მოვალ,მოგიტან,მინდვრის ყვავილებს,
რომ თმებს ჩამაწნა დედი,
შენით ვსუნთქავ და შენით ვივსები,
არ დამეღალო,დედი!...
ისევ გაწვიმდა,ისევ დაქროლა,
ცოტაც გავუძლოთ დედი,
მალე,სულ მალე გამოიდარებს,
შენს თეთრ ფანჯრებთან დედი.
მტვრიან ქუჩაში თუ წამაქციეს,
წამომაყენე დედი,
შუბლზე დამადე თბილი ხელები,
ცხელი ხომ არ ვარ,დედი?...
გამალამაზე,გამამზიანე,
როგორც გჩვევია დედი,
მზეს გამოართვი თარგი კაბისთვის,
გამაპატარძლე დედი.
ჩემო სითბოვ და ჩემო სიცხადევ,
სულ მიღიმილე დედი,
მასწავლე როგორ ვიყო,ვიცხოვრო,
რომ დაგემსგავსო დედი.
გზები მიჩვენე მზისკენ მავალი,
ლოცვაც მასწავლე დედი,
მერე რა მოხდა დღეს თუ ქარია,
ან თუ ყინვაა დედი,
მინდვრის ყვავილებს თოვლშიც ვიპოვნი
და დაგიკრიფავ დედი

****

გულის როცა ბოლო გატოკებას,
თან მოყვება ბნელი კედლის რღვევა,
უფლის გზაზე დედა გამიძღვება ,
როგორც ადრე მიტატებდა ხელად...

მუხლმოყრილი, მტკიცე გულით;
ვით ქანდაკი ღვთის ტახტის წინ,
ღმერთს მავედრებს დედის სული,
მავედრებდა როგორც უწინ...

თრთოლვით ასწევ დაღლილ ხელებს,
როგორც მაშინ... როცა წადი...
"ჩემო ღმერთო, აჰა მოვედ..."
ბოლო სიტყვებს ქარს ატანდი...

მხოლოდ მაშინ, როს უფალი,
შემინდობს და შემიწყნარებს,
დაეტყობა შვების კვალი,
მომლოდინე დედის თვალებს...

****

ვტირი და ვეღარ მიტირია,
ცრემლი ქცეულა დარდად,-
ყველა საფლავი სიკვდილია,
დედის საფლავის გარდა.

ჩივის და გულს ვერ უჩივლია,
ციდან ეშვება ფარდა,-
ყველა აკლდამა დუმილია,
დედის აკლდამის გარდა.

ყვავის ვარდი და გლიცინია,
ხარობს დეკა და ბალბა,-
ყველა სიმღერა ქვითინია
დედის სიმღერის გარდა.

ჩემი ბუზღუნი სირცხვილია,
ჩემ ღმერთს ვუყვარვარ რადგან,-
ყველა სიკვდილი სიკვდილია,
დედის სიკვდილის გარდა!

****

მოწყენას მისას როდესაც გრძნობენ,
იქუფრებიან თვალები ნისლით.
თუ გავამსხვრიე განგების ღობე,
პირველად დედის ჭაღარას ვიხსნი.

ფიქრები ღლიან ისედაც დაღლილს,
სამრეკლოსავით ფერმკრთალს და ხნიერს.
თუ დეკემბერშიც აენთო ბაღი,
პირველად დედას დავუკრეფ იებს.

დედის მანდილში აპრილი გალობს,
ვით დაფიონი ფხოვეთის მთებში.
თუ უკვდავების ვიპოვნე წყარო,
პირველად დედას მივუტან პეშვით.

ნანინას ნამი აკვანზე ელავს,
როგორც რტოებზე ღიმილი ფესვთა.
თუ სივრცეებში შევძელი ფრენა,
პირველად დედას ავიყვან მზესთან



.
კომენტარები (3)
კომენტარის დამატება
gogo-bichi8
#1 gogo-bichi8 ჩვენიანი 19 ივნისი 2011 23:42
+2
:sm_cry: :sm_cry: :sm_cry: :good: :good: :good: :good: :good:
tasusi
#2 tasusi ჩვენიანი 6 სექტემბერი 2012 09:57
+6
dzalian menatreba chemi dediko
დეეე, უშენოდ ღამით სულ მცივა,
მაგრამ არავინ მაფარებს საბანს. ​
მიშო
#3 მიშო პოსტერი 7 ოქტომბერი 2012 20:21
+5
ძალიან მაგარი ლექსია :smile-viva: :zubastik:
ლექსი დედაზე
ლექსი დედაზე
ლექსი დედაზე
12.10.16 ლექსები დედაზე
ბესიკ ხარანაული - ჩემო დედი
ბესიკ ხარანაული - ჩემო დედი
ბესიკ ხარანაული - ჩემო დედი
09.10.14 ბიბლიოთეკა / პოეზია / ლექსები დედაზე
ჩემო დედი, დაბერდი და, ლექსებს ირჩევ სევდიანს. შენი ძვლები წამდაუწუმ სატირალზე სხდებიან.
დიკა სალაყაია - არ დამეღალო დედი
დიკა სალაყაია - არ დამეღალო დედი
დიკა სალაყაია - არ დამეღალო დედი
07.10.14 ბიბლიოთეკა / პოეზია / ლექსები დედაზე
ვზივარ და ვფიქრობ, რა გიჭირს, რა გილხინს, თუმცა ვერ გშველი დედი, გადათენთილან თოვლით იები, მეც მალე მოვალ დედი.
ნანა მეფარიშვილი - თითქოს პატარა ვარ
ნანა მეფარიშვილი - თითქოს პატარა ვარ
ნანა მეფარიშვილი - თითქოს პატარა ვარ
07.10.14 ბიბლიოთეკა / პოეზია / ლექსები დედაზე
თითქოს პატარა ვარ, მოკლეკაბიანი, ეზოს ჩამოვურბენ ფრენით, შენთან მოვირბენ და მუხლზე მოგეხვევი, ძალა მომეცემა შენით.
ფრიდონ ხალვაში - დედა
ფრიდონ ხალვაში - დედა
ფრიდონ ხალვაში - დედა
05.10.14 ბიბლიოთეკა / პოეზია / ლექსები დედაზე
მადლობა, დედი, რომ ასე მშვიდი, რომ ასე თბილი დღეებით მზარდე, მე ახლა უკვე შენს მკერდს ავცილდი და ასე, ვფიქრობ, ავაღწევ ცამდე, მაგრამ რაც უნდა ვიარო აღმა, მე ერთი
მუხრან მაჭავარიანი - დედა
მუხრან მაჭავარიანი - დედა
მუხრან მაჭავარიანი - დედა
28.09.14 ბიბლიოთეკა / პოეზია / ლექსები დედაზე
როს „არას“ ნაცვლად - ამბობდი „ალას“, როცა შენს ხმაში აპრილი ჟღერდა; ხსოვნაში ტკბილად ჩარჩენილ „ნანას“ - ვინ გიმღეროდა?! - მშობელი დედა.
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.