+ -
+6
იყო ადამიანი...


ადამიანად ყოფნა მარტო ორ ფეხზე სიარულს არ უნდა ნიშნავდეს, ამას მშვენივრად ახერხებენ მაიმუნები ...
ადამიანად ყოფნა არც მოწესრიგებულ საზოგადეობაში ცხოვრება უნდა იყოს, მოწესრიგებული საზოგადოებით ჭიანჭველებსა და ფუტკრებს ვერ გააოცებთ ... ადამიანად ყოფნა არც ლამაზი სადღეგრძელოების თქმაში გამოიხატება, თუთიყუშსაც კი შეუძლია ლექსების დაზეპირება ...
ალბათ ადამიანი ის არის, ვინც ცოცხალია, ნუ შემეკამათებით , ცოცხლებით, ცოცხლები ხომ მცენარეები და ცხოველებიც არიანო ... მე სხვანაირ სიცოცხლეს ვგულისხმობ : " ვფიქრობ, ესე იგი, ვცოცხლობ ... ვაზროვნებ, ესე იგი, ცხოცხლობ ... მტკივა, ესე იგი, ვცოცხლობ ... ვგრძნობ, ესე იგი, ვცოცხლობ ... მშია, ესე იგი, ვცოცხლობ ... ვოცნებობ, ესე იგი, ვცოცხლობ ... მიყვარს, ესე იგი, ვცოცხლობ ... "
ძალიან ძნელია ადამიანად ყოფნა ... ყოველდღიურად უამრავ განსაცდელს უნდა გაუძლო, უამრავ პრობლემას უნდა მოერიო, ბევრ ადამიანს უნდა გაუღიმო, როცა სულ არ გეღიმება და ეს ყველაფერი ისე უნდა გააკეთო, რომ ადამიანობა არ დაკარგო ...
სწორედ ეს, ადამიანობის, სიკეთის, სიყვარულის, მთელი ცხოვრების განმავლობაში შენარჩუნება ნიშნავს, იყო ადამიანი ...
+ -
+2
ჰეი შენ! ჰო შენ, შენ გეუბნები!


ჰეი შენ! ჰო შენ, შენ გეუბნები!

მე მოპარული, ალაგ-ალაგ გარღვეული ზედა და დაფლეთილი, ორი ზომით დიდი შარვალი მაცვია, შენ ძვირადღირებული პიჯაკი და გაკრიალებული, ასევე ძვირადღირებული შარვალი.

მე ქუჩაში ვარ წიგნების მაღაზიასთან, შენ კი- საკლასო ოთახში.

მე მცივა, შენ- თბილად ხარ. მე მშია- შენ ამდილით, დედამ ბუტერბროდი გაგიკეთა (რომ იცოდე მე დედა არ მყავს, მაშასადამე არც ბუტერბროდი მაქვს)

მე სწავლა მინდა, შენ კი- გეზარება.

მე წიგნები მინდა, შენ კი- წიგნს არ ეკარები. მე კითხვა მინდა, შენ-კითხვას თამაშს ამჯობინებ. მე მობილური მინდა, შენ კი- ამტვრევ რომ ახალი გიყიდონ. მე სიცივის გამო ვტირი, შენ იმის გამო, რომ გარეთ სათამაშოდ არ გიშვებენ.

მე უსახლკარო ძაღლი მყავს, რომელიც ქუჩაში ვიპოვე, შენ ფუმფულა ჰასკი გყავს, რომელიც მამამ დაბადების დღეზე გაჩუქა.

მე მინდა შევიყვარო ვინმე, შენ კი ყველა გეზიზღება.

მე გვერდს შორიდან მივლიან, რომ შემთხვევით არ შემეხონ, შენ კი-ყველა გეფერება, გეხუტება და გეალერსება.

მე იმის მრცხვენია, რომ გავჩნდი, შენ კი- იმის, რომ პატარა ქალაქში გაჩნდი.

მე დედა მენატრება, შენ კი- ეჩხუბები. მე ფულის თხოვნა მიწევს უცხო ხალხისთვის, რომ შიმშილით არ მოვკვდე, შენ კი- მამას ართმევ ფულს, რომ ახალი ვიდეო თამაში იყიდო.

მე ახლა ვტირი, შენ კი-იცინი.

ხედავ, რამდენი განსხვავებაა ჩვენ შორის?!

ჰეი შენ! ჰო შენ! შენ გეუბნები, შენ და შენნაირებს, თქვენ, ეს ადვილი გგონიათ!

არასდროს გაბედოთ ცხოვრებით უკმაყოფილო იყოთ! ჯერ მე შემომხედეთ! მერე კი ვნახოთ როგორ იწუწუნებთ!
+ -
+8
ნიკო გომელაურის ლექსები #17


კაკუნი...ვინ არის?
მე მგონი,არ გიცნობთ?!
-წვეთი ვარ მდინარის...
ახლავა განგივრცობთ
მოვძრავდი...მივძრავდი...
ოღონდ თქვენ მიბრძანეთ...
ოღონდ დამიწყნარდით...
და არ გამიბრაზდეთ...
აღარ შემიძლია,
თქვენით მე რომ ვთვრები...
დაშლილი ღვიძლია
თქვენდამი სტროფები...
თქვენდამი სტროფები
-გულის შეფეთქება!
ტრფობით გავცოფდები.
-ცოფი შემერგება...
მიმამეთ!...მიშვილეთ!...
თქვენი ვარ მოყვარე
აი,მოგიშვირეთ
მეორე ლოყა მე...
დრო არის ფინალის!..
-თავიდან დავიწყოთ...
კაკუნი...ვინ არის?
ხომ ვთქვი,რომ არ გიცნობთ!...
+ -
+4
ნიკო გომელაურის ლექსები #16


ღმერთს არ სცალია,თავში რომ გვირტყას,
რომ დაგვიმტკიცოს:რა მართალია...
გულმოწყალეა!-დაგვიგდებს სიტყვას...
უცოდველობით გადამთვრალია...

ჩვენ კი გვცალია,რომ ვიმეტიჩროთ...
-სად გვეჩქარება?!რა გვენაღვლება?!
სხვისი ლურსმნები რატომ შევირჭოთ?!
-უკვე შეირჭო „ცოდვის ამღებმა“...
შენ ხომ გადარჩი... მე ხომ გადავრჩი...
-ვინ რას დაეძებს სულებს ნაქურდალს...
მძიმე ყოფილა ჯვარი აღმართში,
მაგრამ მთის თავშ თურმე „დახურავს“...
შენ ხომ გადარჩი
მე ხომ გადავრჩი
ღადავ-ღადავში
ღადავ-ღადავში....
+ -
0
ნიკო გომელაურის ლექსები #15


ქართველობამ დამამარცხა,დამმორცხვა...
ჭუჭულები ისევ გაგვითამამდნენ...
ვის შევჩივლოთ?!-რუსთაველი გაცოცხლდა!
მიღება აქვს 11-იდან 3-მდე
განაჩენი სწორი გინდათ,თუ გიყოთ
-შეეცადეთ,რომ მიხვდეთ უნიღბოდ....
+ -
+3


თვალსაჩინო მიწოდეს
დღეს წარმომადგენელი...
არადა,რო მიცდნობდეს
მკითხველი და მსმენელი...

გაქრებოდა,გპირდებით,
ჩემი „თვალსაჩინოება“...
ბავშვებს მომარიდებდნენ,
თუ არა სჭირთ რბილტვინობა...

სასმელს დამიმალავდნენ,
დამიწვავდნენ ბალახებს...
რატომ დამიკალამდნენ?
თვალსაჩინო რა ნახეს?

მსურს მოვიხსნა უღელი,
გამოვტყდე-ვინ ვინ არის:
საჩინოა ღრუბელი!
მე კი-თვალ-უჩინარი...

მოაზროვნე დარბაზი
ამდენ ხანს მიხვდებოდა
-„აბდა უბდა ჯამბაზი“,
უფრო მომიხდებოდა...
+ -
+4
ნიკო გომელაურის ლექსები #13


-კავკასია!
-კავკასია!
-მზიასია!
-ზეზვასია!
-ქართველობა სხვა ფასია!
-ქართველობა ეს კლასია
-ეს პასია!... ეს თასია!...
-ქართველობა ყველასა!
-ეს,ისაა!...
-ის,ესაა!...
-„ქართველობა“ პიესაა!...
ოღონდ ძმურად...შემახსენე:
ზეზვაა თუ თამაზია?
მზიაა,თუ ბროლნაზია?
+ -
+2


როგორი იყო,აბა,რა ვიცი?!
-ასე ამბობენ,ჰქონდა წვერები...
ორი ათასი წელი განვიცი!
ჩარევა არ ღირს,მაგრამ ვერევი...

როგორ აკოცა უფალს ლოყაზე?!
-ცოტათი მაინც მორიდებოდა...
მეჯავრებოდა ზოგჯერ მოყვასი,
მაგრამ ღალატი?... ღალატი არ მინდებოდა

არადა-ჰკოცნის...არადა-ჰყიდის...
იცის მოკლავენ-განა,შტერია...
ღალატზე განა ვერცხლისთვის მიდის?!
-თავის სიმცირეს ვერ მოერია...

სიტორიაში დარჩა იუდა!
-დღესაც აქ არის არ გაიგუდა...
+ -
+7
ნიკო გომელაურის ლექსები #11


მხოლოდ ერთი რამ გამაგებინე
(მინდა გავერკვე,მინდა მესმოდეს)
რატომ პასუხი არ გამაგებინე,
მე და ჩემნაირ მცირე პერსონებს?...

გამაგებინე,რა დამიშავე
-მუდამ ამაოდ რატომ გახსენებ?...
თუნდაც თავიდან უცებ ვიშვა მე,
ვიცი,მაშინაც არ მოგასვენებ...

გამაგებინე,რად გიღირს რითმა?
ნუთუ ლექსისთვის აქ მომავლინე?
თუ ასე არის,მე მინდა გითხრა,
უპრინციპობა გამოავლინე...

გამაგებინე ხუმრობის არსი,
(ხუმრობის,ცოტა მეც გამეგება)...
შენ გვერდით მარჯვნივ რატომღა დამსვი?
-შენ ხომ მარცხენა სვლა მეხერხება...

რით გამაოცე,რომ გამაორე?
-ჯვარს და ჯავრიანს ნაბიჯი მიჯნავს.
გამაგებინე.ვიბნევი...თორემ,
ჩემგან რა მიდის?!-მე ვიზამ პირჯვარს!...

გამოკითხვა

თქვენი მდებარეობა

სხვა გამოკითხვები...
up