კატები (90 ფოტო)

ავტორი: BERO12 | დღეს, 21:29 | კატეგორია: ფოტო არქივი / ეკრანის ფონები | კომენტარები: 0 | ნანახია: 8 |

კატები  (90  ფოტო)

შექსპირი - 130 სონეტი

ავტორი: misha.kokaia | დღეს, 18:32 | კატეგორია: ბიბლიოთეკა | კომენტარები: 0 | ნანახია: 10 |

შექსპირი - 130 სონეტი




ჩემს სატრფოს თვალებს არ გამოჰყვა სხივი მნათობის

და მის ბაგესაც წითელ მარჯანს ვერ შევადარებ,

არც გულმკერდი აქვს თოვლისფერად გადანათოვი

და მავთულივით გაშეშებულ ნაწნავს ატარებს.

ბევრჯერ მინახავს ალისფერი და თეთრი ვარდი,

სატრფოს ღაწვები სულ სხვაგვარად შეუფერიათ,

მე ისიც ვიცი, მისი მკერდის სურნელის გარდა,

უფრო ნეტარი სურნელება ქვეყნად ბევრია.

ტკბილია ჩანგი, მე კი სატრფოს სმენა მწადია,

მისი ბაასი სიმის ხმაზე მეტად ვიწამე.

არსად მინახავს, ქალღმერთები როგორ დადიან,

ჩემი სატრფო კი, ვიცი დადის დედამიწაზე.



ვიცი და მაინც ძვირფას განძად გულით ვატარებ

და უსამართლოდ ვეღარავის ვერ შევადარებ.

შექსპირი - 129 სონეტი

ავტორი: misha.kokaia | დღეს, 18:18 | კატეგორია: ბიბლიოთეკა | კომენტარები: 0 | ნანახია: 8 |

შექსპირი - 129 სონეტი




ვნება ავხორცი იწვევს გრძნობის გამოხუნებას,

ის ურცხვად ფლანგავს და ამჭლევებს სულის დიდებას,

რადგანაც ასე მზაკვრულია მისი ბუნება,

ალბათ ველური არც მკვლელობას დაერიდება.

როდესაც ვნება დაცხრება და დაიღვენთება,

სტოვებს ზიზღიან მოგონებას, როგორც სამდურავს,

მერე კი ისევ სულში იწყებს ალის შენთებას,

როგორც ანკესი მოგდებული მუხანათურად.

აღზევებული გონგადასულს დაედარება,

დადევნებული მსხვერპლზე ჟინით დაუფარავით,

ასე ყოფილა ვნების ხვედრი – ჯერ ნეტარება,

მერე კი ფუჭი ოცნებები სავსე ვარამით.



ხომ კარგად იცნობს კაცთა მოდგმა ვნების ბუნებას,

რაღატომ მისდევს ჯოჯოხეთში ციურ ცთუნებას.

შექსპირი - 128 სონეტი

ავტორი: misha.kokaia | დღეს, 18:14 | კატეგორია: ბიბლიოთეკა | კომენტარები: 0 | ნანახია: 7 |

შექსპირი - 128 სონეტი


თავად მუსიკავ, როგორ გვატკბობ მუსიკის დაკვრით,

ალბათ დალოცა ეს საკრავი თვითონ განგებამ,

როს კლავიშებზე მაგ თითების ნიავი დაჰქრის,

მაშინ სიმებიც ირხევიან ნეტარ ჰანგებად.

შენ დაგიკოცნეს კლავიშებმა თლილი თითები

და ბაგეს ჩემსას შავი შურის ალი ედება:

შენი ამბორის მონატრული, ეჭვით ვინთები,

როდესაც ვუმზერ ხის ნაჭრების გათავხედებას.

მეც კლავიშებად გარდასახვის ჟინი მაბოდებს,

არსება ჩემი რომ ბედნიერ საკრავს ვადარო,

მინდა ვემგვანო მოხტუნავე, გამხმარ ნაფოტებს,

რომ ეგ თითები ტანზე ჟრჟოლად გადამატარო.



მაგრამ რადგანაც ხელზე კოცნით სხვანი სცოდავენ,

მე, უბედური, შენს ბაგესაც არ ვიცოტავებ!

შექსპირი - 127 სონეტი

ავტორი: misha.kokaia | დღეს, 18:04 | კატეგორია: ბიბლიოთეკა | კომენტარები: 0 | ნანახია: 8 |

შექსპირი - 127 სონეტი



წინათ შავგვრემანს მშვენიერი არსად არ ერქვა,

არვინ ეტრფოდა, რაც ბუნებამ შავად დაქარგა,

ახლა საღდება მარგალიტად ჩვენში მდარე ქვა,

და სილამაზემ წინანდელი ფასი დაკარგა.

აღარ აცდიან დღეს ბუნებას დიდოსტატობას,

ფერუმარილით სიმახინჯე ყველამ დაფარა,

თავის საყდარი სილამაზემ თვითონ დასტოვა,

და უცხო მხარეს გადიხვეწა მიუსაფარად.

სატრფოს შავ თვალებს მეც შევცქერი დღეს გატაცებით,

ფერი გლოვისა ალამაზებს თვალებს უცოდველს,

ალბათ იმიტომ მოუხურავს შავი ძაძები,

რომ სიმახინჯეს მშვენება და ეშხი უწოდეს.



მაგრამ ძაძები ისე შვენით სატრფოს შავ თვალებს,

რომ შავი ფერი სილამაზის ფერად ჩათვალეს.

შექსპირი - 126 სონეტი

ავტორი: misha.kokaia | დღეს, 17:55 | კატეგორია: ბიბლიოთეკა | კომენტარები: 0 | ნანახია: 7 |

შექსპირი - 126 სონეტი




ჩემო ბიჭუნავ, ჯერ შენი გზა კიდევ ვრცელია.

მაგრამ საათი რომ გიჭირავს, ყველას ცელია.

დროს წესადა აქვს ჩვენი ჭკნობით შენი გაფურჩქვნა,

დრო ერთდროულად გვახარებს და გვიგდებს აბუჩად.

დრო სპობს ყველაფერს, მაგრამ ახლა ცდილობს ბუნება

შენი განვლილი დროის უკან შემობრუნებას.

ბუნებას უნდა თავის კვალი დროს დაამჩნიოს,

წინ აღუდგეს და დაბერებას გადაგარჩინოს.

თუმცა სიკეთის მეტი მისგან არა გინახავს,

მაინც უფრთხილდი, სამუდამოდ ვერ შეგინახავს.



დაგვიანებით, მაგრამ მოვა, როგორც სახადი,

და გადუხდელი არ დაგრჩება გადასახადი.

ვინ დიზელი (11 ფოტო)

ავტორი: BERO12 | გუშინ, 20:35 | კატეგორია: ფოტო არქივი / პიროვნება | კომენტარები: 0 | ნანახია: 21 |

ვინ  დიზელი (11  ფოტო)

PSY-ის და SNOOP DOGG-ის ახალი კლიპი

ავტორი: BERO12 | გუშინ, 16:40 | კატეგორია: ვიდეო არქივი / კლიპები | კომენტარები: 0 | ნანახია: 19 |


უჩვეულო პატარძლები (6 ფოტო)

ავტორი: BERO12 | 23-10-2014, 23:54 | კატეგორია: ფოტო არქივი | კომენტარები: 0 | ნანახია: 33 |

უჩვეულო  პატარძლები   (6  ფოტო)
უკან წინ

საიტის არქივი

ოქტომბერი 2014 (301)
სექტემბერი 2014 (349)
აგვისტო 2014 (129)
ივლისი 2014 (160)
ივნისი 2014 (343)
მაისი 2014 (191)