ქართული ჩეთი, ფორუმი, ანდროიდი


ალბათ სულ მუდამ მარტო ვიქნები

ალბათ სულ მუდამ მარტო ვიქნები



დღე დღეს მისდევს და კვლავ მაგონდები,
არ მასვენებენ წარსული ფიქრები.
ისევ მიყვარხარ, ისევ მჭირდები, ისევ ვოცნებობ,
განწირული ვარ! ალბათ სულ მუდამ მარტო ვიქნები.

მინდა ვიცოცხლო ათასი წელი შენზე ფიქრებში,
მინდა სიცოცხლეს მოვეფერო შენზე ოცნებით.
სინათლე მინდა, შხაპუნა წვიმა, ლამაზი მთვარე
და შენს თვალებში გადაშლილი უძირო ღამე.

მე კვლავ ვიტირებ მოგონებებს გათენებამდე,
შენზე ლექსს დავწერ და წავუკითხავ უჩუმრად მთვარეს.
ნეტავ იცოდე, როგორ მინდა მე დღეს სიცოცხლე
მაგრამ რად მიღირს, თუკი ამქვეყნად მარტო ვიცოცხლებ.


სულის ძახილი

სულის ძახილი


იცი ახლა სად მინდა ვიყო?
კლდის პირზე, არწივის ბუდესთან ახლოს...
იცი ახლა რა მინდა ვიყო?
ფრინველი, უსაზღვრო ზეცასთან ახლოს.
მე გავფრინდები უღრმეს ზეცაში,
წავშლი ზღუდეებს, ოდესღაც დადგენილს.
და შენი ხორცი, სადღაც, მიწაში
ინატრებს შენს სულს, ზეცაში აფრენილს...
მე გადმოვკივლებ , მთებიდან ბარში,
და ფრთებს შევასხამ თავისუფლებას,
შენი ძვლები კი, სადღაც მიწაში
ვეღარ იყენებს, ამის უფლებას...
მე კვლავ ზეცაში ვნავარდობ კარგო,
შენ კი ქვესკნელის დილეგში დარდობ,
მიწა გიფარავს მოღეღილ გულ–მკერდს,
მე კი, კვლავაც ვშლი უაზრო ზღუდეს...
კვლავ გადმოვკივლებ, მთებიდან ბარში,
კვლავ ფრთებს შევასხამ თავისუფლებას,
მე ვერ დამიჭერთ ზეცაში აჭრილს,
ვერ შემიზუღუდავთ, მე ჩემს უფლებას!!!



up